Headlines

HUU NDIO MSIMAMO WA BODI YA LIGI KUHUSIANA NA TFF KUTAKA IPEWE FEDHA ZA KLABU

Posted by Hisia | Jumanne, 30 Septemba 2014 | Posted in

Bodi ya Ligi Tanzania imetoa msimamo wake kuhusiana na lile sakata la Shirikisho la Soka Tanzania (TFF) kutaka lipewe fedha za udhamini za klabu kwa ajili ya shughuli zake lilizoziita ni za maendeleo ya soka.

TFF imeiagiza bodi ya ligi kukata kiasi cha asilimia tano tano kutoka kwenye udhamini wa Vodacom na Azam TV ili ipewe yenyewe.
Mtendaji Mkuu wa Bodi ya Ligi, Silas Mwakibinga amesema wao ni wawakilishi wa klabu, hivyo wanabaki upande wa klabu.
"Bodi inazaliwa kutoka kwenye ubavu wa klabu, sisi ni wawakilishi wa klabu. Hivyo automatikale tunabaki upande wa klabu," alisema Mwakibinga. Kama bodi hiyo itabaki upande wa klabu hizo 14, maana yake utakuwa umeziokoa kunyongwa fedha zao za udhamini.
Tayari klabu kupitia mwanasheria Dk Damas Ndumbaro zimepinga suala hilo na Mbeya City na Mtibwa Sugar zimetishia kwenda mahakamani.

KOCHA WA SIMBA PATRICK PHIRI AFAFANUA KAMBI SIMBA KUHAMIA DAR

Posted by Hisia | | Posted in

Kocha Mkuu wa Simba, Patrick Phiri amesema ulikuwa ni wakati mwafaka wa kuhamishia kambi jijini Dar. Simba imehamishia kambi yake Changanyikeni jijini Dar na leo jioni imefanya mazoezini Chuo Kikuu cha Dar es Salaam.
Phiri amesema kwa muda waliokaa Zanzibar unatosha pia ni jambo jema kufanya mazoezi Dar es Salaam kwa kuwa wana mechi mbili ndani ya wiki mbili na zote zitapgwa Dar es Salaam. "Mechi zote zitakuwa Dar es Salaam, wiki zote mbili tutacheza hapa. Hatuna sababu ya kurudi Zanzibar. "Hivyo tutabaki hapa, naamini hata wakati wa mechi dhidi ya Yanga tunaweza kuendelea kubaki hapa," alisema Phiri. Simba ilikuwa imeweka kambi mjini Zanzibar ambako ilikuwa ikisafiri kuja Dar es Salaam kila inapokuwa na mechi. Chini ya Phiri, Simba imeanza mechi zake za ligi, zote kwa kutoka sare ya 2-2 dhidi ya Coastak Union na baadaye 1-1 dhidi ya Polisi Moro

MAN UNITED MAJANGA TUPU! ANER HERRERA ACHANIKA MBAVU, ATAKUWA NJE WIKI KADHAA

Posted by Hisia | | Posted in

Herrera akiwa ameshika ubavu wake wakati akiondoka uwanjani Old Trafford baada ya kuumia
KIUNGO Ander Herrera anatarajiwa kuwa nje kwa wiki kadhaa baada ya kuchanika mbavu akiichezea Manchester United dhidi ya West Ham Jumamosi.
Kiungo huyo wa kimataifa wa Hispania alimpisha Antonio Valencia baada ya kuumia katika mchezo huo uliofanyika Uwanja wa Old Trafford.
Taarifa iliyotolewa na United leo mchana imesema: "Kiungo wa Manchester United, Ander Herrera amechanika mbavu wakati wa mechi na West Ham United Jumamosi. 

NYOTA ANAOWAKOSA VAN GAAL MAN UNITED

Wachezaji tisa wa kikosi cha kwanza cha Man United waio nje kwa majeruhi na wengine kutumikia adhabu ni;
Ander Herrera, Jonny Evans, Phil Jones, Chris Smalling, Michael Carrick, Marouane Fellaini, Ashley Young, Jesse Lingard na Wayne Rooney. 
"Mspanyola huyo alitolewa dakika ya 74 na klabu hiyo itaendelea kuangalia hali yake kwa karibu katika wiki kadhaa,". 
Herrera anakuwa mchezaji wa tisa wa kikosi cha kwanza cha Louis van Gaal kuwa nje ya Uwanja kwa sababu ya maumivu na wengine wakitumikia adhabu wakati inajiandaa na mechi dhidi ya Everton Jumapili. 
Haifahamiki ni muda gani mchezaji huyo mwenye umri wa miaka 25 atakuwa nje kwa maumivu hayo, ambayo ni pigo lingine kwa kocha wake.
Herrera amekuwa katika kiwango kizuri United tangu ajiunge nayo kutoka Athletic Bilbao mwishoni mwa Juni mwaka huu.
Amecheza mechi za Ligi Kuu ya England dhidi ya Swansea City, Queens Park Rangers, Leicester City na West Ham.
Alifunga bao la pili la United katika ushindi wa 4-0 dhidi ya QPR na akaifanya United ionize 3-1 mbele ya Leicester, kabla ya kufungwa 5-3.

SIMBA SC YAUNDA SEKRETARIETI MPYA ‘NZITO’

Posted by Hisia | | Posted in

KLABU ya Simba SC imetangaza Sekretarieti yake mpya ambayo itakuwa na majukumu ya kiutawala na kuratibu shughuli zote za uendeshaji wa klabu. Taarifa iliyotolewa na Rais wa Simba SC, Evans Aveva imesems kwamba Sekretarieti hiyo itakuwa ikifanya kazi zake chini ya kamati ya utendaje ambayo imeundwa na Rais wa klabu, makamu wake na wajumbe wengine wa kuteuliwa na kuchaguliwa kupitia uchaguzi mkuu wa klabu ya simba. Ameutaja muundo wa sekretarieti hiyo kuwa ni Katibu Mkuu Stephen Ally, Mhasibu Amos Juma Gahumeni, Ofisa Habari Humphrey Nyasio, Ofisa Operesheni, Stanley Philipo, Ofisa Utawala Hussein Mozzy, pamoja na Mtunza ofisi, Juma Issa Matari. 
Aveva amesema kwamba Sekretarieti hiyo imeshaanza kazi kuanzia Septemba 1, hivyo Kamati ya Utendaji inawaomba wanachama, washabiki na wadau wote wa michezo kuipa sekretarieti hiyo ushirikiano wa kutosha katika utekelezaji wa majukumu yake katika klabu.

HAWA NDIO WACHEZAJI 26 WALIOITWA TAIFA STARS KUIVAA BENIN

Posted by Hisia | | Posted in ,

Mbwana Samatta (kushoto) na Thomas Ulimwengu (kulia) wameitwa Taifa Stars

Na Boniface Wambura, Dar es salaam

Wachezaji 26 wameitwa kwenye kikosi cha timu ya Taifa (Taifa Stars) kwa ajili mechi ya Kalenda ya Shirikisho la Kimataifa la Mpira wa Miguu (FIFA) dhidi ya Benin itakayochezwa Oktoba 12 mwaka huu jijini Dar es Salaam.

Kocha Mart Nooij ambaye yuko Cairo, Misri kwenye kongamano la makocha la Shirikisho la Mpira wa Miguu Afrika (CAF), amesema kikosi cha Taifa Stars inayodhaminiwa na Kilimanjaro Premium Lager kitaingia kambini Oktoba 6 mwaka huu jijini Dar es Salaam.

Wachezaji walioitwa ni makipa Deogratias Munishi (Yanga), Aishi Manula (Azam), na Mwadini Ali (Azam).

Mabeki ni Said Moradi (Azam), Shomari Kapombe (Azam), Oscar Joshua (Yanga), Nadir Haroub (Yanga), Kelvin Yondani (Yanga), Aggrey Morris (Azam), Miraji Adam (Simba), Charles Edward (Yanga) na Emmanuel Simwanda (African Lyon).

Viungo ni Erasto Nyoni (Azam), Mwinyi Kazimoto (Al Markhiya, Qatar), Amri Kiemba (Simba), Himid Mao (Azam), Salum Abubakar (Azam), Said Ndemla (Simba) na Haruna Chanongo (Simba).


Washambuliaji ni Khamis Mcha (Azam), Simon Msuva (Yanga), Thomas Ulimwengu (TP Mazembe, DR Congo), Mbwana Samata (TP Mazembe, DR Congo), Mrisho Ngasa (Yanga), Mwegane Yeya (Mbeya City), na Juma Liuzio (Zesco, Zambia).

Aaidhibiwa kwa kuomba baada ya kufunga

Posted by Hisia | | Posted in

Mchezaji wa Kansas City Husain Abdullah aadhibiwa kwa kuomba baada ya kufunga bao
Mchezaji wa Kansas City Chiefs Husain Abdullah aliadhibiwa vikali na refarii baa da ya kupiga sijida baada ya kufunga bao katika mchezo wa soka ya Marekani Kansas walipoinyuka New England Patriots 41-14.
Refarii alimwadhibu papo hapo Abdullah alipoinuka baada ya kusheherekea kwa kupiga sijida.
Aliyekuwa refarii wa zamani wa NFL Mike Pereira alisema kuwa sio hatia mtu kupiga sijida.
Tukio hilo linawadia wakati ambapo ligi hiyo inapigwa msasa kufuatia utovu wa nidhamu mbali na tuhuma chungu nzima kuhusiana na wachezaji wa ligi hiyo.
Tayari wandani wa NFL wanadai kuwa kuna upendeleo kwani mchezaji mwengine nyota Tim Tebow hakuadhibiwa baada ya kuonesha ishara yake al maarufu “Tebowing” msimu wote wa mwaka wa 2011.
Abdullah amejitokeza kutetea dini yake ya Uislamu sawa na vile Tebow huonesha wazi kuwa ni Mkristo.
Aidha Abdula alihiji mwaka uliopita alipoambatana na kakake Hamza,kuenda kwa hajji huko Mecca.
Kwa mujibu wa washika dau wanaishauri NFL itangaze wazi msimamo wake kuhusiana na ishara za kidini ilikutoa utata unaoibuka .

Mshike Mshike Wa UEFA Champions League Kuendelea Leo Na Hii Ndio Ratiba Kamili

Posted by Hisia | | Posted in , , , ,

Michuano ya ligi ya mabingwa barani Ulaya inaendelea tena hii leo kwa michezo ya mzunguuko wa pili ya hatua ya makundi ambapo makundi yatakayohusika ni kuanzia kundi la tano hadi la nane.
Kundi la Tano:
Arena Khimki, Khimki
CSKA Moscow v  Bayern Munich

Etihad Stadium, Manchester
Manchester City England      v        Italy Roma

Kundi la sita:
Parc des Princes, Paris
Paris Saint-Germain     v        Barcelona
GSP Stadium, Nicosia (Cyprus)
APOEL      v        Ajax

Kundi la saba:
Estádio José Alvalade, Lisbon
Sporting Lisbon  v        Chelsea

Veltins-Arena, Gelsenkirchen
Schalke 04  v        MK Maribor (Slovenia)

Kundi la nane:
Arena Lviv, Lviv
Shakhtar Donetsk         v        FC Porto

Borisov Arena, Barysaw (Belarus)
BATE Borisov    v        Athletic Bilbao

Hiki ndicho alichosema Rais wa Simba Baada ya Matokeo Mabovu

Posted by Hisia | | Posted in ,

Rais Simba, Evans Aveva kwa mara ya kwanza amefungua mdomo wake na kulizungumzia suala la sare mbili katika mechi zao za Ligi Kuu Bara.
Aveva amewataka mashabiki na wanachama wa Simba kuungana na kuwa pamoja katika kipindi ambacho alikiita hawajapoteza wala kufanya vizuri.
Lakini akaenda mbali zaidi na kusema anamuamini Kocha Patrick Phiri, hivyo wampe muda kidogo kwa kuwa wanapita kwenye kipindi cha mpito. “Hatujafanya vibaya wala kufanya vizuri, sare mbili na hakuna mchezo tuliopoteza. “Ni suala la kujipanga ili kuangalia tutafanya nini katika mechi zinazofuatia. “Uongozi una changamoto nyingi, utaona tulifanya kila linalowezekana kwenye uchaguzi. “Baadaye kwenye usajili, lakini sasa bado mambo hayajakaa vizuri, ni suala la kupambana tu,” alisema Aveva.

MAN UNITED YASAKA MECHI ZA KIRAFIKI ZA NGUVU KUZIBA PENGO LA KUKOSA MICHUANO YA ULAYA

Posted by Hisia | | Posted in

KLABU ya Manchester United intake kucheza mechi za kirafiki za nguvu kuziba pengo la kukosa michuano ya Ulaya msimu huu na baada ya kutolewa katika Kombe la Ligi, maarufu kama Capital One Cup.
Mabingwa wa rekodi Ligi Kuu England, mara 20 pato lao limepungua kwa asilimia 10 msimu wa 2014-2015 baada ya kushindwa kufuzu Ligi ya Mabingwa Ulaya chini ya kocha David Moyes.
Msoto huo umeifanya United ibaki na mechi moja tu ya katikati ya wiki kabla ya kumaliza mwaka 2014, na mechi tatu jumla katika miezi mitatu ya mwanzoni mwaka 2015.
Usajili wa Angel di Maria na Falcao Manchester United unaweza kusaidia kupatikana kwa mechi za kirafiki za maana

MECHI ZA MAN UNITED MWAKA HUU

Manchester United haitakuwa na mechi ya katikati ya wiki hadi mwanzoni mwa Desemba
Everton (nyumbani) Jumapili ya Oktoba 5
West Brom (ugenini) Jumatatu ya Oktoba 20
Chelsea (nyumbani) Jumapili ya Oktoba 26
Man City (ugenini) Jumapili ya Novemba 2 
C Palace (nyumbani) Jumamosi ya Novemba 8
Arsenal (ugenini) Jumamosi ya Novemba 22
Hull (nyumbani) Jumamosi ya Novemba 29
Stoke (nyumbani) Jumanne ya Desemba 2

MAJONZI, ZLATAN KUIKOSA BARCELONA LIGI YA MABINGWA LEO

Posted by Hisia | | Posted in

PSG watapambana katika mechi yao ya Ligi ya Mabingwa Ulaya dhidi ya Barcelona bila ya mshambuliaji wao nyota, Zlatan Ibrahimovic.

Katika mechi hiyo itakayopigwa leo kwenye dimba la Parc des Princes, PSG haitakuwa na Zlatan aliyewahi kuichezea Barcelona.
Uongozi wa matajiri hao wa Ufaransa, umethibitisha kuwa Mswidi huyo ameumia mguu wake, hivyo hataweza kuivaa Barcelona.
Hilo ni pigo kubwa kwa Kocha Laurent Blanc ambaye lazima alimhitaji Zlatan.
Lakini Zlatan pia angefurahi kucheza dhidi ya timu yake hiyo ya zamani aliyowahi kusema wachezaji wake wanaishi kama watoto wa shule

Rooney Aomba Radhi Kufuatia Adhabu Ya Kadi Nyekundu

Posted by Hisia | Jumatatu, 29 Septemba 2014 | Posted in

Rooney Aomba Radhi Kufuatia Adhabu Ya Kadi Nyekundu
Mshambuliaji kutoka nchini Uingereza na klabu ya Man Utd, Wayne Mark Rooney amewataka radhi wachezaji wenzake kufuatia adhabu ya kadi nyekundu iliyomuangukia mwishoni mwa juma wakati wa mchezo wa ligi dhidi ya West Ham Utd kwenye uwanja wa Old Trafford.
Rooney ambaye pia ni nahodha wa kikosi cha Man Utd, amesema hana budi kuwataka radhi wachezaji wenzake kutokana na kufahamu kwamba aliwapa wakati mgumu mara baada ya kuonyeshwa kadi nyekundi zikiwa zimesalia dakika 30 mchezo huo kumalizika.
Amesema kwa hakika muamuzi Lee Mason alikuwa sahihi kumuonyesha kadi nyekundu kutokana na kosa la kumchezea ndivyo sivyo kiungo wa West Ham Utd, Stewart Downing, hivyo hana budi kujutia na kukubali makosa aliyoyafanya.
Kuadhibiwa kwa mshambuliaji huyo kwa kuonyeshwa kadi nyekundu ya moja kwa moja kunaashiria ataikosa michezo mitatu ya ligi kuu ya soka nchini Uingereza inayofuata ambayo itashuhudia Man Utd wakipambana dhidi ya Everton, West Bromwich Albion pamoja na Chelsea.
Rooney atarejea kwenye kikosi cha Man Utd wakati wa mchezo dhidi ya mabingwa watetezi Man city ambao pia ni mahasimu wakubwa wa Man Utd mchezoa mbao utachezwa mwishoni mwa mwezi ujao.
Kadi nyekundu aliyoonyeshwa Wayne Rooney mwishoni mwa juma ni ya kwanza tangu alivyokumbana na adhabu kama hiyo mwezi Machi mwaka 2009.

Kavumbagu aanza jeuri Ligi Kuu Bara

Posted by Hisia | | Posted in

Mshambuliaji wa kimataifa wa Azam FC, Mrundi, Didier Kavumbagu.

MSHAMBULIAJI wa kimataifa wa Azam FC, Mrundi, Didier Kavumbagu, ametamba kuwa sasa atahakikisha anafunga kila mechi ili kuisaidia timu yake kuibuka na ushindi na hatimaye kutwaa ubingwa.
Kavumbagu ameianza Ligi Kuu Bara kwa mkwara baada ya kufunga mabao manne katika michezo miwili ya awali. Kila mchezo akitupia mawilimawili.
Akizungumza na Championi Jumatatu baada ya kuifungia timu yake mabao mawili katika ushindi wa 2-0 dhidi ya Ruvu Shooting juzi kwenye Uwanja wa Chamazi, Kavumbagu alisema anafurahi kuona amekuwa katika wakati mzuri ndani ya kikosi hicho lakini akasisitiza kuwa ataendelea kufunga kila anapopata nafasi.
“Cha msingi ni kufunga tu, hilo ndilo suala pekee linaloipa timu mafanikio, kwa hiyo nitajitahidi kufunga katika kila mechi kadiri ninavyopata nafasi ili kuhakikisha naisaidia timu katika mbio za kutwaa ubingwa, kisha hayo mambo ya ufungaji bora yatakuwa baadaye,” alisema Kavumbagu, mchezaji wa zamani wa Yanga.

Phiri awabadilikia Okwi, Tambwe Simba

Posted by Hisia | | Posted in ,

Kocha Mkuu wa Simba, Mzambia, Patrick Phiri.

KOCHA Mkuu wa Simba, Mzambia, Patrick Phiri, ametamka kuwa, hafurahishwi na safu yake ya ushambuliaji inayoongozwa na Mganda, Emmanuel Okwi na Mrundi, Amissi Tambwe.
Kauli hiyo ameitoa mara baada ya kumalizika kwa mechi ya Ligi Kuu Bara dhidi ya Polisi Morogoro iliyochezwa kwenye Uwanja wa Taifa jijini Dar es Salaam na matokeo kumalizika kwa sare ya bao 1-1.
Timu hiyo, hadi hivi sasa imefanikiwa kufunga mabao matatu ikiwa imecheza michezo miwili pekee ya ligi dhidi ya Coastal Union (2-2) na Polisi Morogoro (1-1).
Akizungumza na Championi Jumatatu, Phiri alisema kuwa kwanza anaipongeza safu ya kiungo inayoongozwa na Jonas Mkude na Pierre Kwizera kwa kutimiza majukumu vizuri kwa kuwatengenezea mipira mizuri ya kufunga mabao.
Phiri alisema safu yake hiyo ya ushambuliaji inakosa nafasi nyingi za wazi za kufunga mabao.
Aliongeza kuwa, washambuliaji hao wanahitaji kubadilika kwa haraka kwa kuhakikisha wanafunga mabao kwa kila nafasi watakayoipata ili timu ipate ushindi katika mechi zake.
“Mwanzoni nilikuwa na tatizo la kiungo kabla ya kurejea uwanjani Mkude akitoka kwenye majeraha, tatizo nililoliona kwenye mechi ya kwanza ya ligi dhidi ya Coastal Union.
“Tatizo hilo nikalimaliza kwa kumpanga Mkude kwenye mechi ya Polisi Morogoro, hivi sasa tatizo limehamia kwenye safu ya ushambuliaji inayochezwa na Okwi na Tambwe ambao wanashindwa kutumia nafasi nyingi za kufunga mabao.
“Ninataka kila mchezaji atimize majukumu yake vizuri kwa mabeki kuokoa hatari, viungo kuchezesha timu na washambuliaji kufunga,” alisema Phiri.

EPL:- HIVI NDIVYO VIKOSI VYA STOKE v NEWCASTLE LEO

Posted by Hisia | | Posted in



MTAMBO WA MAGOLI ASTON VILLA WAREJEA DIMBANI...MABEKI WAKAE CHONJO!

Posted by Hisia | | Posted in


The news of Christian's Benteke's return to the Aston Villa squad will come as a huge boost to Paul Lambert
Habari njema!, Christian's Benteke anarudi kuongeza nguvu Aston Villa

CHRISTIAN Benteke anakaribia kupona majeruhi yake na anaweza kurudi uwanjani katika mechi dhidi ya Manchester City jumamosi ya wiki hii.
Aston Villa kwa muda mrefu imecheza bila nyota wake huyo tangu mwezi machi mwaka huu kufuatia kupata majeruhi wakati wa mazoezi.
 Benteke-ambaye rekodi yake ilikuwa ni kufunga goli kwa kila mechi ya Villa-pia alizikosa fainali za kombe la dunia na nchi yake ya Ubelgiji.
Nyota huyo mwenye miaka 23 ameanza mazoezi na timu ya kwanza na kocha wake Paul Lambert anaamini atarejea kazini wikiendi.
The Aston Villa boss will be delighted to call on the services of star striker Benteke imminently
Kocha wa  Aston Villa  atakuwa na furaha na huduma ya mshambulaiji wake hatari,  Benteke

WEST BROM YAUA 4-0 ENGLAND, BERAHINO APIGA MBILI

Posted by Hisia | | Posted in

Beki mkongwe wa West Bromwich Albion, Michael Duff akimtoka Sessegnon wa Burnley katika mchezo wa Ligi Kuu ya England jana The Hawthorns. West Brom siku ya jana ilishinda 4-0, Saido Berahino akifunga mabao mawili, Craig Dawson moja na Graham Dorrans moja.

MATUKIO KATIKA PICHA:- HIVI NDIVYO YANGA ILIVYOIBOMOA PRISSON GOLI 2 - 1 TAIFA

Posted by Hisia | | Posted in ,

mchezaji wa yanga jaja akipiga mpira wa kichwahuku golikipa wa  prison mohamed yussuf

jaja akimbanagolikipa wa prison

kocha wa yanga na kocha wa prison wakisalimiana mara baada ya kumalizika kwa kchezo kat ya yanga na

pilikapilika katika goli la prison

shabiki wa simba akiwa chini ya ulinzi bada ya kutupia mchezaji mwingine

shabiki wa simba akiwa chini ya ulinzi mkali baada ya shabikihuyo kumtupia chupa ya maji kanavaro mara baada ya npira kumalizika  

shabiki huyo akikamatwa na baunsa


baunsa akimkamata shabiki wa simba ambaye alimrushia chupaa ya maji mchezaji kanavallo

shabiki wa simba akitolewa juu kwa juu
akiteremka juu ya jukwaa la simba

akipelekwa kituoni

akiwataka wapiga picha wasimpige
akipelekwa

mashabiki wa yanga wakiwatambia wa simba

msuve akimpita beki wa prison

mashabiki wayanga

shabiki wa upandewa simba Add caption

BONDIA WA KIKE MWAFRIKA ACHUKUA UBINGWA WA NGUMI ULAYA !

Posted by Hisia | Jumapili, 28 Septemba 2014 | Posted in

Bintou Schmill aka The Voice aka The Lioness
Female Boxer Bintou Schmill aka The Voice with trainers
Bintou Schmill aka The Voice new IBF europe Championess 
 Bondia maarufu wa kike mwafrika barani ulaya Bintou Yawa Schmill,mkazi wa Ujerumani siku ya ijumaa 26.September 2014 alifanikiwa kuchukua taji la ubingwa wa ngumi za kulipwa unatambuliwa na IBF,Bondia Bintou alimpiga na kumshinda mpinzani wake bondia Mirjana Vujic   kwa K.O katika raundi ya 3,. Pambano hilo lilionyeshwa Live katika TV channel ya euro sport na ktazamwa na maelfu ya watu wakishuhudia bondia wa kike mwafrika akirusha ngumi kali kuliko radu.
Bintou Schmill (30) aka The Voice ameshapigana mapambao ya kulipwa 9 na ameshinda 8 kwa K.O,Katika pambano la Ijumaa 26.September 2014 liliofanyika kwenye ukumbi wa Stadthalle/ Saalbau Frankfurt-Nied,lifanikiwa  kumpa wakati mgumu mpinzani wake kuanzia round ya kwanza hadi ilipofika raund 3 bondia Mirjana Vujickatika alipigwa kwa KO na Bintou Schmill aka “The Voice” kutangazwa ndie bingwa mpya wa uzito wa Welterweight barani ulaya na kuvikwa mkanda huo unatambuliwa na IBF.Bintou Schmill aka ‘The Voice’ anaye fananishwa na Simba Jike (Bintou is the Lioness),Simba ambaye ukimuona mpishe njia ulingoni. Bintou “The Voice” Schmill sasa kapania kuweka rekodi ya kuwachapa wapinzania wake kila kona duniani !
 
Mengi kuhusu bondia Bintou Schmill aka ‘The Voice” usikose at For more information write to
 

MASHINDANO YA MICHEZO YA SHIMIWI YAFUNGULIWA MJINI MOROGORO

Posted by Hisia | | Posted in


Meza kuu ikipokea maandamano kabla ya ufunguzi rasmi wa michezo ya SHIMIWI mjini Morogoro.
Watumishi wa Serikali kutoka Wizara na Idara za Serikali wakiwa kwenye maandamano kabla ya ufunguzi wa mashindano ya michezo ya SHIMIWI mjini Morogoro leo.
Watumishi wa Serikali kutoka Wizara na Idara za Serikali wakimsikiliza Waziri wa Nchi Ofisi ya Rais Menejimenti ya Utumishi wa Umma Mh.Celina O. Kombani (hayupo pichani) wakati wa ufunguzi wa mashindano ya michezo ya SHIMIWI mjini Morogoro leo.
Kaimu Katibu Tawala Mkoa wa Morogoro Bw.Noeli Kazimoto akizungumza kwa niaba ya Mkuu wa Mkoa wa Morogoro kabla ya ufunguzi rasmi wa michezo ya SHIMIWI mjini Morogoro leo.

Waziri wa Nchi,Ofisi ya Rais Menejimenti ya Utumishi wa Umma Mh.Celina O. Kombani (Mb) akifungua mashindano ya michezo ya SHIMIWI mjini Morogoro leo.


Waziri wa Nchi,Ofisi ya Rais Menejimenti ya Utumishi wa Umma Mh.Celina O. Kombani akisalimiana na wanamichezo wanaoshiriki mashindano ya SHIMIWI mjini Morogoro,wakati wa ufunguzi wa michezo ya SHIMIWI.

KAGERA SUGAR YAIBURUZA JKT RUVU GOLI 2 - 0 - CHAMAZI

Posted by Hisia | | Posted in

KAGERA Sugar imepata ushindi wa kwanza katika Ligi Kuu ya Vodacom Tanzania Bara, baada ya kuilaza mabao 2-0 JKT Ruvu Uwanja wa Azam Complex, Chamazi, Dar es Salaam.
Mabao ya Kagera Sugar leo yamefungwa na beki wa zamani wa Simba SC, Salum Kanoni Kupela dakika ya 10 kwa penalti na Rashid Mandawa dakika ya 79.
Ushindi huo wa kwanza katika msimu huu ambao Kagera inaupata ugenini, unafuatia kipigo cha 1-0 kwa Mgambo JKT katika mchezo wa kwanza wa wiki iliyopita Tanga.
Kwa JKT Ruvu, inakutana na kipigo hicho kwenye Uwanja wa nyumbani, baada ya kulazimisha sare ya bila kufungana na Mbeya City ugenini, Uwanja wa Sokoine, Mbeya wiki iliyopita.

Mchezo mwingine wa ligi hiyo uliofanyika leo, Yanga SC imeifunga Prisons ya Mbeya mabao 2-1 Uwanja wa Taifa, Dar es Salaam. Mabao ya Yanga SC yamefungwa na Mbrazil, Andrey Coutinho na Simon Msuva, wakati la Prisons limefungwa na Ibrahim Kahaka.
Mechi za jana, Mtibwa Sugar ilishinda 3-1 dhidi ya Ndanda FC ya Mtwara mabao 3-1 Uwanja wa Manungu Turiani, Morogoro, Mbeya City, ilishinda 1-0 dhidi ya Coastal Union ya Tanga Uwanja wa Sokoine, Mgambo JKT ilifungwa nyumbani bao 1-0 na Stand United ya Shinyanga, Azam FC ilishinda 2-0 dhidi ya Ruvu Shooting ya Pwani Uwanja wa Azam Complex, wakati Simba SC ililazimishwa sare ya 1-1 na Polisi Morogoro Uwanja wa Taifa.

    Blog Archive