Published On:Jumanne, 23 Septemba 2014
Posted by Hisia
ABOU DIABY SASA NGOMA 'INOGILE' AREJEA KUIVAA SOUTHAMPTON
Arsene Wenger alisema Abou Diaby yuko tayari kucheza tena.
KOCHA Arsene Wenger anajiamini kuwa
kiungo wake matata, Abou Diaby ataisaidia Arsenal kwenye mechi ya leo
usiku ya Capital One dhidi ya Southampton.
Diaby ambaye ni miongoni mwa wachezaji
ambao Wenger anapendelea kuwapanga katika kikosi chake, pia ataichezea
Arsenal katika mechi ya jumamosi ya ligi kuu dhidi ya Tottenham.
Nyota huyo mwenye miaka 28 alipata majeruhi tangu alipojiunga na Arsenal misimu nane aliyopita.
Aliumia vibaya kifundo chake cha mguu
baada ya kuchezewa rafu na beki wa Sunderland, Dan Smith mwaka 2006 na
amekuwa akitonesha jeraha hilo kwa muda mrefu.
Baada ya kusumbuliwa sana msimu
uliopita, Diaby alifanyiwa upasuaji mkubwa katika kifundo chake cha mguu
wa kushoto na sasa ameonekana kuimarika vizuri.
'Wiki iliyopita Diaby alicheza dakika 90
uwanja wa Villa Park katika mechi ya vijana chini ya miaka 21. Alikuwa
nasi tena jumamosi na atacheza dhidi ya Southampton siku ya jumanne
(leo)," alisema Wenger.
