Published On:Ijumaa, 26 Septemba 2014
Posted by Hisia
STRAIKA WA ZAMANI WA LIVERPOOL ATOWEKA KWENYE KLABU YAKE, HAJULIKANI ALIPO
Mshambuliaji wa
zamani wa Liverpool, David N'Gog ametoweka kwenye klabu yake Reims ya Ufaransa
na hajulikani alipo.
N’Gog aliwahi
kucheza Ligi Kuu England akiwa na timu za Bolton, Liverpool na baadaye
akajiunga na Reims ya kwao Ufaransa.
Kwa mujibu wa
gazeti kubwa la michezo kuliko yote duniani la L'Equipe, kumekuwa na
taarifa za kuhangaika kujua aliko.
Daktari wa Reims,
amesema N'Gog ,25, alikuwa mgonjwa baada ya kumtembelea hotelini.
Lakini aliporudi
mara nyingine hakumkuta na vitu vyake vyote havikuwemo chumbani.
Lakini Meneja wa
Reims, Jean-Luc Vasseur amesema anaamini N'Gog atakuwa yuko jijini Paris
alipokwenda kuitembelea familia yake.
Mwaka 2008, N'Gog
alijiunga na Liverpool akitokea PSG. Alifanikiwa kufunga mabao 9 katika mechi
63 alizocheza.
Baadaye akatua Bolton
mwaka 2011, akacheza mechi 81 na kufunga mabao 14.
