Published On:Ijumaa, 12 Septemba 2014
Posted by Hisia
Chelsea Watuma Ofa ya Kumsajili Mtoto Wa Miaka 11
Klabu ya Chelsea imewasilisha ofa Camp Nou kwa ajili ya kutaka
kumsajili mtoto mwenye umri wa miaka 11, Xavier Simons, gazeti la The
Express la nchini Uingereza limeripoti mapema hii leo.
Gazeti la The Express, limeeleza kwamba Chelsea wamewasilisha ofa
hiyo huku wakiamini watafanikiwa kumsajili kinda huyo kutoka nchini
Uholanzi sanjari na kuwashawishi wazaizi wake ili iwe rahisi kumpata.
Ushawishi unaotarajiwa kufanywa na viongozi wa klabu hiyo ya
magharibi mwa jijini London, ni kutaka kuihamishia familia ya mtoto huyo
jijini London kama kigezo cha kuwa karibu na Xavier Simons.
Hata hivyo baadhi ya vyombo vya habari vya mjini Barcelona vinaripoti
kwamba uongozi wa FC Barcelona umeikataa ofa ya Chelsea na umejipanga
kuendelea kumkuza kijana huyo hadi kufikia hatua ya kucheza kwenye ngazi
za juu.
Sababu kubwa inayotajwa na vyombo vya habari vya mjini Barcelona
zinatuama kwenye adhabu ambayo iliiangukia klabu hiyo ya Catalan kutoka
FIFA ya kufungiwa kusajili kwa kipindi cha misimu miwiwli mfululizo,
hivyo wameona ni bora kuendelea kuwakuza vijana kupitia kituo
wanachokimiliki *La Masia*
